Sony Xperia T2 Ultra Dual

評測報告

1.先幫sony 平反一下。。。見啲年紀處於中位既其他牌子用家成日覺得sony 機無得換電會導致呢樣果樣。。。
--->內置電好快用曬
T2 ultra 有3000mah 電，而且因為佢個mon 係720p 而唔係1080 p, 同埋係用緊s400 4核心，所以去電速度其實係頗慢，一般使用下持航力同note 2係一樣(我上一部機係用note 2), 如果係經常性打機既話咁t2 ultra 持航力會較佳(例子：開啟stamina mode, 連續聽歌2粒鐘，音量50%, 用得3-4%電，上網+上fb半粒鐘，如果查閱既網站無咩flash 既話只會用約5-7%, 流量穩定)
--->內置電會令機身容易出現發熱現象
我又唔太覺，唔好話我偏幫sony, 但t2 ultra 就算真係發熱都唔會熱得太厲害囉=_=同埋大家揸平板手機主要都係揸手機既中間至底部位置，我想講果個位(對我黎講) 發熱情況係比較輕微，甚至你係唔會感覺到部機發緊熱，發熱位置源於機身近鏡頭位置(純屬個人經驗，不喜勿插)
--->粒電/核心一壞左部機就玩完
太杞人憂天啦。。每部機都會有壞既一日架嘛-.-
--->換唔到電，要成日帶住個尿袋，好麻煩
幫你唔到，但我由朝早用到夜晚全程未差過電部機都仲有3x%電剩，我果日唔得閒玩白貓(上網search 白貓project, 我一開白貓就會同人聯機打所以用成日最食電應該係白貓) 既話會有5x%剩(會打下pad, tsum tsum,白貓打下聯機，上下fd, 網頁之類)
--->一死左機，又無得拆電出黎，咁點算！？
插sim 卡位有粒緊急制(好似係紅色細細粒既，我未用過) 可以按，按後可強制關機(應該唔包重新開機), 你或者可以按"減( - ) "音量鍵+關機/開機鍵維持約10秒強制關機然後再開機，到目前為止我都未用過以上兩種方法~~~

2.s400 1.4ghz 4核心，配1 gb ram, 效能其實唔錯
播720p youtube 片或mytv 劇全程無卡過，玩轉珠，上fb等可輕鬆應付，但玩白貓等3D Game 有時候會卡卡地但整體表現唔錯架

3.8Gb rom, 支援最高32Gb外置記憶卡
因為我download 既應用程式唔(會) 多所以8 gb rom(實際可用4g rom) 對我黎講好夠用
要sd 卡既原因係可以將啲歌，相轉去果度慳空間(一張用13mp 影出黎既相約佔3-4mb..)

4.我成日覺得1gb ram 對我黎講係唔會夠用，但原來唔係
一開機時你會有約400 mb ram 可用，同其他1 gb ram 手機比 t2 ultra 算係唔錯

5.t2 ultra 白，黑，紫三色都幾討好，我用緊紫色
男仔用紫色聽落係幾怪，但鑑於sony 既紫色較沈所以男人用起黎都會覺得幾襯
機既背面就咁望落同z, z ultra 等機種既玻璃反光面差唔多，幾華麗(留意下面缺點)

6.機身幾薄，幾輕，同埋機身幾窄，不論男女，拎上手感覺都唔錯，抽水講句我認為比note 2 輕

7.I love walkman,令我有好好既音樂體驗，愛不釋手， "純音技術+"係我呢類唔識較均衡器既用家既尤物，當然仲有xLound, Clear phase

8.720 p mon+BE 2,拍埋1080p mon 度唔會覺得自卑XD(小弟係井底蛙，未見識過quad hd mon)
可視角都唔錯(放系枱面可以供多人觀看)

9.13mp相機幾過癮呀，我最愛用timeshift 同埋ar effect 同埋智能場景辨識(有缺點)

10.wifi 唔會斷下斷下，相對上較其他機種穩定

11.stamina mode 非常強大，幫你暫時關曬所有背景運行程式同數據等，於待機時節省電力令持航力更佳

12.放心啦，t2 ultra 唔係黃mon 機~~~同埋順帶一提個自動偵測環境亮度既系統又幾靈敏，即時比到反應將mon 較光較暗

13.單手操作便捷性頗高，連按"home/返回主螢幕"鍵2下就可以拉個狀態列落黎(可以set wifi, mon 亮度等), 仲有打信息等時可將鍵盤調較至偏左，偏右(要用xperia 鍵盤)

14.small app 幾好用

15.原廠內置apps 唔多，都係比較實用既apps 如google chrome, gmail, 相簿等

16.邊個話上左年紀既人睇呢部機會睇得辛苦！？呢部機亮度唔差，仲有得比你較字體大小tim! 我媽子都過話睇得清楚mon 上面啲字(我較大字體比佢，仲有特大字體選擇), 老人家想睇新聞，可較部t2 ultra 至特大字體+最光亮度

1.無野係完美既，由機身講起。。。雖然我提及過機背望落同z, z ultra 無異，有玻璃面反光視感
但始終用料唔同，t2 ultra 既機背望落係靚，但當你隻手一掂落去。。。指模！！！指模！！！指模！！！好食指模。。。本身想唔用機套既我最尾都係決定放棄呢個念頭。。。

2.sim 卡槽。。。咩設計黎架=_=連個店員都要出70%力先拎到出黎。。(佢有指甲幫手，我無。。。) 要我拔出就更加。。。希望個緊急關機制唔係設於sim 卡槽內吧。

3.有人講過，就係鈴聲薄弱問題，唔帶headset 時系街上同人傾電話都有小小辛苦，而且響聲較到最大既情況下聲量都只係處於可接受水平，好彩部機震動都幾給力，放部機落褲袋震動時你會感覺到

解決方法：多利用headset(耳筒) 吧，t2 ultra 連上耳機後係另一世界：人聲即時強番好多，講電話同響電話聲都較強

4.打開pad, tsum tsum 既或許會對t2 ultra 感到有小小失望，因為轉珠聲/連tsum聲都好薄弱，會被bgm 蓋過，關曬bgm 後呢類特效聲都係好薄弱。。之前我都見過人話z ultra 有呢個問題

解決方法：都係要帶headset!

5.相機系有自然光既環境下好強，到夜晚就較為遜色，雜訊問題較多，但整體黎講影出黎既相都好清
有小小失望既係影一棵鮮紅色花後，出到黎張相既效果。。會見到棵花"變"左做較淺既紅色，其他顏色反而問題不大

6.充電速度幾慢(用原廠充電線的話),最好買條2.1A 快速線幫t2 ultra 充電，效果會較好

7.部機開得耐左會有小小bugs, 如鍵盤會不時彈上彈落(閃退); small app 無法閒置太耐，好快會自動消失，但每次出現既bugs 都唔同，亦唔係會次次都有呢啲bugs 出黎

解決方法：重開機吧

8.cap 圖一定要用active clip??(未用過sony 機既應該會咁問)
其實你可以同時按實開關機鍵+音量減( - ) 鍵進行cap 圖動作

9.有時手機訊號會頗弱(1-2格) (即使你處於近窗/室外位置) ，但行多幾轉就會無野(3-4格)

10."特大"字體系t2 ultra 度都係有小小細(作為6" mon 既手機黎講), 係可以再大啲既，不過睇得清楚就ok 啦，要咁大隻字黎都無用架。。

11.隨機附送既原廠耳機質素參差，但都係基於成本問題
我建議你去買過其他入耳式耳機，原廠果個帶得耐會攪到隻耳仔好痛。。。

諗到既缺點係咁多啦

$1700 入手，用兩日已愛上此機

好多人會問，sony 係咪傻到洞悉唔到香港人中意大mon, 高性價比手機既現實心態，好好地出部t2 ultra 放埋啲入門至中階級(1gb ram, 8gb rom, s400 4核，720p) 規格比佢
但其實大家有無諗過t2 ultra主要銷售目標係啲預算有限但又想玩齊4g 大mon 自拍等重點功能既用家

同埋系z ultra 價位處於4698左右時出部旗艦級規格，3xxx港紙(到時都唔會咁平啦。。) 既6 吋手機，同打z ultra 一巴，令z ultra 再次降價/叫人地唔好買z ultra 有咩分別？？
因此t2 ultra 出到咁既規格，其實係可以理解既

至於$3498($3198? $2598?) 呢個價過唔過到自己果關就見仁見智
有時唔好單睇規格同價錢，就妄妄去歪評部機
T2 ultra 絕對係各媽子同爸子們(其實sony 無你地想像之中咁差^^呢部機你地試過後應該十個都有八個會愛上！)
仲有學生哥們(第一桶金都未揾到番黎學咩大人買6千幾蚊旗艦機，你又唔係真係用得著部旗艦機既所有功能！)
打工仔們(平平地買t2 ultra 黎用，放工可用黎聽音樂煲劇輕鬆一下，仲有自拍功能同唔錯既持航力)
老友記們(?) (唔一定要隨波逐流買韓國牌既，呢部機都唔錯)
既好伙伴

輕、薄、窄身易拿，機面顯示尚可。

揚聲器聲音弱，音質不佳，傳來的對話聲音薄弱和不夠傳真(這方面 Samsung 比較好)。
沒有內置電話封鎖名單功能(Samsung Note 1 及 2 有內置)。
提取 SIM Card 有難度，因為不是按下去後彈出來，而是要用指甲才能勉強拿到。
內建 GPS 不夠敏銳，非常慢，Samsung Note 1 及 2 則很快。
機面顯示的字體則太小，不適合有近視和老花的人。

言過其實，浪得虛名。

送原廠套可開關螢幕
在兔仔台出機$27xx,送32G卡

玲聲細,要加大音量
影相儲存路徑複雜,在電腦中難找
用開小米2S,比SONY人性化好多
12/4上手,已更新三次.下載速度超慢.更新後反應重慢咗

要求不高,要大mon的話,性價比可接受.

電量夠耐用可用足兩日。

只是個 mon解像度低咗D同冇防水功能。

須然只有1GB RAM但比起其他牌子有2GB RAM嘅機種速度一点不輸蝕。