Panasonic Lumix CM1

評測報告

實拍照片

- Leica認證28mm鏡頭加持

- 黑白色調過渡非常順滑，絕對不是Snapseed彩色轉黑白可比

- 外型極具貴氣，百看不厭

- 我都有LG V10，V10同CM1的RAW不可同日而語，CM1出的是真正相機質素的RAW

- 對焦快狠準，街拍無敵手

- 日本手機通病，介面慢，機內硬件未能釋放最大速度

- 電量OK，如果只係影相唔打機的話

- 一跌落地個鏡頭應該bye-bye，附送機套冇全面保護

呢部機係Panasonic的定位係相機，盒面都係寫Digital Camera，係DCFever就定位係手機。

CM1的應該係追住QX系同叔叔叔 K Zoom而黎，將兩者的優點合為一體，QX系去到APS-C都有，但同手機連接需時以光年計，K Zoom擁有十倍變焦相機，仲將部相機擺係一部S4後面，但CMOS只有1/2.3" ，畫質比一部Note 4仲要差。CM1將1" CMOS同手機連為一體，省卻左相機同手機連接的麻煩，機身亦薄過K Zoom，可以講係取得手機同相機之間最佳平衡的傑作。

如果你話既然要部1" CMOS相機，點解唔買部RX100 III/IV，甚至比相約價錢買部GR II，但我最鍾意的係CM1，縱使我玩過RX100 III同GR。

大家點樣過相到手機唔係重點，而係CM1有RX100的速度，畫質亦唔會輸比GR，我仲記得之前玩GR，影每一張相係先等鏡頭拉風箱，再等部機測好光，再等個鏡頭同快門數字定哂，先至可以按全掣，否則張張炒，CM1的對焦速度同同廠4/3有得揮，就算畫質不是最好，都起碼唔使食一大堆炒相先。CM1的PASM mode有齊光圈快門選擇，又有曝光包圍，操控極接近一眾prosumer，係手機可以講前無古人。唔知係未Leica加持，成像的暗位都得以加光，成張相的光暗好平均。

另一個贏兩者的地方，就係CM1真係可以whatsapp同上FB，影完的RW2又可以係LR mobile執，Android的LR除RW2同DNG，其他乜RAW都唔支援，想流動執ARW，就只能買iOS產品，一係就帶部腦去。所以去短線旅行，CM1就係最稱職的相機+手機。

CM1的黑白我覺得幾靚，當然唔好攞去同Leica M-monochrom 比，但CM1黑白模式的成像各色調的過渡好順暢，睇得好舒服。

論缺點，呢部機有一般日本手機通病，普通介面慢，機內的SD卡都有點慢，可能係導致4K只得15p，用呢部機黎拍1080P好了。ISO過1600我接受唔到，同埋我始終覺得手機有防震會好D。

總括而言，Pana將呢部機的攝力發揮到手機界中的極致，但又收收埋埋部份相機功能，例如追焦、慢速閃燈模式，不過又咁講，邊間廠真係鍾情於做All-in-one，否則批大機邊個買呀？CM1作為一代技術展示後，睇怕亦好難有後續。

－ 真正相機／手機結合，而且外型體積重量取得一個平衡
－ 一吋sensor在相機界不可說是大sensor，但在手機界算是很大的sensor。
－ 無論廠方對細sensor再好的調教，始終基於物理關係，表現與大sensor有一定的距離，與G4放大比一比便有明確答案，細緻度，景深，立體感是兩個層次表現。
－ 對於一個真正愛攝影的人，一部擁有psam模式，
又可拍raw的手機，絕對是夢寐已求。
－ 雖然手機著重於輕便，但CM1鏡頭擁有37mm接口，大大增加擴展性，
旅行拍攝，加一個廣角鏡確是方便得多，而且還可以配大量filter拍攝，
無限可能。
－ 對焦快而準，比一較dc還要快，微光下亦不差，比很多apsc級定焦機仔數好

－ 售價偏高，開售時高達8千多。
－ OS優化，介面設計明顯與其他一線品牌有距離
－ 電量較少2600mah，如果不是低頭族，一天勉強夠用
－ 鏡頭邊位表現較差，Leica認証我一向覺得名過於實
－ 拍照時鏡頭突出，有時誤按拍攝鍵較易令鏡頭受損

當初購入CM1全是被拍攝功能吸引，PSAM/RAW Format，小弟非常喜歡拍攝，由其是街拍。一台便攜相機一直是我的首選，一直使用GR的我，28mm/f2.8已經成第二隻眼晴看世界，CM1鏡頭spec跟GR一樣，所以使用上很快上手。如果你是喜歡snapshot，街拍，很著重生活細節，喜歡在街上四處走，CM1絕對適合你，因為一台再細小的相機也不會比一部手機方便。
相機方面，可說是沒有任何可挑剔地方。
手機表現只屬中級機，ui接近android原生介面，而且效能確是中級，
而且電量較小，感覺用電很快，而且機身很快會熱。

總括來說，cm1只適合真正喜歡攝，而且喜歡調較不同相機設定的人使用，
如果想一按快門鍵便有美圖，請不要選擇cm1，別浪費cm1強大的手動功能及擴展性。

輕便性
１　有些人喜歡拿CM1 和RX III /IV 比較,其實兩様野,你可以拿RX来打電話?
２　有些人喜歡拿CM1 和　GALAXY K zoom 比較，除了K zoom 能拍遠D, 在 sensor(1 inch) ,鏡頭（Leica),mode (CM1 有齊PASM）,K zoom 都輸幾條街。
３　用手機影完相　第一時間ｓｅｎｄ比人沒有特別,用攝影機那種ｆｅｅｌ就一流。
４雖然ＬＧ　Ｇ４都可以用ＲＡＷ而且f1.8但我看過拍出来的不是―个等級。

１如果要拍些需要低快門的,你要想辧法用エ具配合三脚架。
２是一部能齊功能的攝影機,如果買家只想經常用Ａｕｔｏ，不建議買。
３這是我第一部Panasonic，没有學習用機服務（Olympus，Leica有）。
４光圈不大。　

５對常上國内的朋友影響大　,不支持　Td-scdma　Td-Lte(china mobile 3g 4g)。

Panasonic定位這CM1是可communication的攝影機,所以很多广告説它是最強攝影的手机是錯的,建議大家先不要定議它。
你買了什麼：
1 一條友條條fing（乜都唔洗咩）拿部一吋sensor　的leica　F2.8定焦出街
2你終有一天会拿着部CM1影維港夜景,然後第一時間send比人,然後又打比人吹下水涼下海風。。。

--真正1寸MOS感光元件，色彩還原度及成像在目前的手機相機來說無法與它比。
--可以說是中高階半專業相機（PSAM，C1／C2）和手機的混合版。
--便攜方便，相機手機二合一真正一機走天涯！
--有RAW，不解釋。
--影SNAPSHOT一流水準。
--相機佈局設計，有實體拍攝鍵。
--手感更像相機。
--相片質素與同級半專業相機無分別。

--手機較重。
--電去得快。
--配件官方公布雖多，但真正市面未有任何配件售賣，去"淘"野也貴。
--得定焦，影相角度及距離存在局限。
--真正拿手玩後其實機身並不薄。
--價錢，不解釋。

--用了幾日，基於此機始終是手機，所以影相時旁人都以為是用手機影。
--戶外才能試出相機功能之威力！室內影要推高ISO。
--不竟是萊卡鏡頭，又有快門光圈自由調節，質素有保證。
--本人從事網上媒體工作，現在平時只帶此機影相，但亦能拍出機動性強嘅畫面。已放棄帶G1XM2。