BlackBerry KEYone

評測報告

實拍照片

1)電耐用, 平均用到一日半(由100%用到15%)
2)依然有Notification light
3)有Physical keyboard, 每個鍵都可以SET做快速鍵
4)Physical keyboard可以用黎當trackpad
5)指紋解鎖位置好(Spacebar)
6)打英文好快手

1)三粒功能鍵位置麻麻(用Mon碌上下時易誤觸)
2)Notification light唔係每個APP都可以自己設顏色
3)Keyboard比起以前Bold9900時代硬(某D用家可能覺得手感好, 但我覺得要用力按)
4)用跟聽耳筒聽歌音質明顯比其他牌子機差(eg:Sxxsxxx, Appxx)
5)轉行ANDROID好多功能對比起BB OS既Setting複雜(其實係Android問題)
6)打中文真係慘不忍睹

我多年前係BB用家, 自己擁有過BB9700, 9780同9900, 但後來因為IPHONE同ANDROID既興起, 好多APP BB機都無(eg: instagram), 所以就轉左用IPHONE, 一用就用左4年!

後來出左PRIV但因為驚係BB第一部既ANDROID機會有好多技術上既問題, 所以唔敢買, 今年出左呢部行ANDROID 既KEYONE就覺得係時候要比個機會BB, 我對呢個品牌有著一股情懷, 始終多年前棄用BB只係迫不得以。

用左第二日, 老實講對於一個用開全屏機既人黎講, 係真係需要一D時間去習慣返個Keyboard, 部機既優缺點上面已經point out左, 但用耐一切都係良好既, 始終我係由一個OS轉另一個, 對於本身android / bb10 用家可能會覺得好易上手!

如果想買呢部機, 最好真係去實店試清楚操作同個屏幕大細係唔係真係自己接受到, 始終係香港用BB都只係小眾, 如果買左之後發覺唔岩用想轉手既話唔係太多人會接貨, 如果對於個Keyboard 或者 BB呢個牌子無特別既需求或者情結, 可能ios 或者全屏android機你會用得更開心, 因為呢部機係好, 但佢既target customer唔係target全部人!

外型剛猛，凌勵有勁 / 背面線條男人味好重，有點復古，呢部機應該係主打男人市場。
電力持久，可攻可守 / 我主要都係收發訊息，一小時大約開住機時間25分鐘左右，有玩一隻彈珠GAME. 上下班時間聽歌，係街上基本全程著住部機，朝早七點到晚上八點，仲有64%電!
核心需然有D過時，但用落唔覺慢, 機身亦唔熱. (比PRIV好太多..太多..)
部機屏幕加KEYBOARD個比例應該暫時係咁多代最好的，畫面適中。
雙卡雙待(但另一張咭括入時要拎走SD咭)
轉用TYPE-C 插口，依家插條線直丟片去部機度, BOM一聲掟完.
指紋識別超快，SPACE BAR粒制按隻手指上去解鎖. (唔洗襟落去) 我試過用衫或者其他有紋既野佢唔會有反應，如果係其他手指就會部機震震下，唔會解鎖, MON亦唔會亮起。

又有番BB個個混醬倉頡輸入法，即係唔可以打一碼單字(大、口、手)，要連打個隻輸入法，要自己轉GOOGLE 輸入法. 預設拼音, 按ALT+上箭咀轉倉頡。GOOGLE 輸入法有度好，就係佢會佔用最底條BAR，打字時常駐顯示0-9數字. 入數字快七倍左右。
每粒制可以SET快捷，K係自動鎖機，但鎖左唔可以用指紋解，要打密碼, 差!
同PRIV相比個KEYBOARD實淨好多，D制好彈，但好滑，好易滑左去隔離粒制按多左粒制。
下邊個導航BAR (三角、圓形、正方) 跟本唔應該長期印左係個MON底，本來打字揀字手指滑上MON底HIGH一HIGH就得，依家要拎起隻手指飛過條BAR去按!
最後亦係最最最令我不滿既，就係BB系統打電話個頁，一按入去第一頁係常用聯絡人，呢個聯絡人竟然無得自己SET, 呢頁亦一定係第一頁!
常用只係有時接過D九唔搭八電話就會出現，部機一卡卡地. (PRIV) 我以為按唔到入去，按兩下，就會打左出去，PRIV因為用耐左成日窒，我試過一日打左四次電話俾D唔相關人仕。
另外係打電話個頁CALL出黎個聯絡人列表無得修改，亦係敗筆. 變左聯絡人個ICON我都要放埋出黎，其他ANDROID機一粒打電話ICON攪掂。

可能依家我覺得每部BB機都可能係一個時代既終結，所以我份外珍惜使用每部BB既時間...呢部機係科技上當然比上一D BB機好，用落亦會比PRIV順好多。
BB個撥號軟件係最令我不滿，其他都OK. 通話清淅準確，比起三星SONY都要好，相信BB機依然堅首一個原則︰ 電話，係要黎通話既。