vivo X50e

評測報告

1. 戴住口罩都可以熒幕解鎖.
2. 有3.5mm耳筒插,FM收音機,內至的錄音程式可以錄FM廣播聲音
3. 聲音按鍵同開關按鍵在機身同側
4. 有App drawer介面
5. 有通話錄音功能
6. 內至喇叭播放音樂大聲不失真,不知是否同有HiFi晶片有關
7. 可插Micro SD Card
8. 跟機原裝套夠厚,邊緣位置高過螢幕,保護十足
9. 映相靚,對焦快,準確度高,有超微距,後面四個鏡頭的映相色溫極相似
10. 螢幕夠光夠清,對比度高

1. 待機耗電量較高,在4G狀態下,用正常模式及超級省電模式同華為P30比較.
2. 重,相對同級同螢幕尺寸同電池容量的手機作比較
3. 訊飛輸入法不能使用語音輸入
4. 在開發者選項關閉過場動畫, 會在通知欄提你關閉開發者選項, 只要你一關閉開發者選項, 全部在開發者選項做的設定就會還原
5. 螢幕黑暗模式不完善, 有時會使螢幕過暗或者顯示的文字過暗

VIVO同OPPO本是同根生, 在我印像中其實不是太好的品牌, 一向高價低配, 例如:VIVO V17. 在大陸的二三線城市大開門市, 用年輕的偶像狂賣廣告, 去過大陸的電話街就知. 我有大陸親戚用緊OPPO A7x, 當年人仔2500買, 上手一玩, 高價低配都算, 仲有自動賣廣告, 自動裝Apps(步步高集團系列), 自動裝遊戲功能, 我知VIVO也一樣,吾怪得國內同胞成日話數據不足, 成日要搵WiFi. OPPO A7x跟機主題介面極之不友善, 圖示及文字細小吾在講, 仲要顏色同色極接近, 吾使擔心, 可以轉其他主題, 但全部要俾錢買, 真係識做生意. 吾知係發財立品定係因應香港市場關係, 在港發售的版本是無以上自動功能, 當然有就肯定被人唾棄, 終於明白國內同胞點解咁鍾意買港版機.

原本想買華為NOVA 7, 因不想買太貴的手機及用開華為P30感覺良好, 雖然NOVA 7無GMS, 本人覺得用手機不應被作業系統所綁架, 又想試下第日升級鴻蒙系統的毒, 但搵過各大電器舖都無貨, 唯有轉牌子. OPPO無App drawer介面, 聲音按鍵同開關按鍵不在機身同側, 十分吾鍾意像iPhone的計.以前VIVO同OPPO的係統軟件更新極之不足, 旗艦機也是, 我知旗艦機現在有改善. 在網上觀看VIVO同OPPO的拆機片段, 發現手機內部保護措施做得幾完善, 造手機實在太賺錢, 這兩個品牌明顯想長期發展, 做國際品牌, 所以揀VIVO試毒.

說回VIVO X50e 5G, 螢幕色調同映相風格十分似iPhone XR及三叔的手機, 顏色鮮豔, 吸引眼球, 是VIVO同OPPO的一貫做法, 這是一部映靚相的手機, 只是在細緻度同埋極暗環境下不及華為P30. 功能齊全, 插口齊備, 有齊上述講的優點, 選擇其實不多, 這樣的價錢, 已經十分厚道. 主要在軟件部份有比較大的改善空間, 講缺點部份已提及, 還有在普通系統操作的細節上, 吾好要人多次確認或入解鎖密碼才能做常用設定, 真係好影響使用感受, 當然比起幾年前的不知所謂操作已經改善很多. 在使用時會在不定時不特定情況下有短暫疾機現象, 但不太防礙使用, 明顯係軟件問題, 期望日後好似華為咁樣連低楷機都有系統更新, 當然吾好似三叔咁越更新越奶嘢.