Sony Xperia 1 V

評測報告

實拍照片

鏡頭，手感

整個作業系統，歷代最差！
無晒一般常用自家app
無左閃爍燈

影相靚呢d唔係到講，大把人講過。
想講個作業系統唔知係唔係跟唔上/唔夾個硬體？！
1.先講變焦鏡頭，用photopro影相間唔中有lag機情況, 試過兩次影相全綠色，要重新開機先無事。
2. 主鏡頭係相機顯示唔知點解偏黃。
3. 成日間歇性lag機，同load唔到入app。
4. 更新完androld 14後，仍然有哈碌野，聽歌時唔覺意向上掃會掃左個apps menu上黎，我真係吹那漲。
5. 今代Sony 自家app基本清零，相薄，xperia鍵盤，androld 11既單手模式，好用野都無晒；用androld/google 原生既，個人覺得唔好用，同上述以上情況。

Xperia z 用到依家，都未試過用過部機成部傻仔咁，完全唔建議買。

1. 外觀一樣甘日系, 可以話係市面上的清流.
2. 4K MON無得輸, 睇相睇片超清
3. 影相進步, 即使10倍數碼變焦, 相片仲係清晰 (之前部 II, 三倍已經好朦)
4. 電量也進步了, 我呢D低用量的人, 叉一次電可以用一日半
5. 接收好了, 之前II訊號差的山上(行山時), 而家多了地方有訊號 (亦唔排除電訊商的訊號好了)

1. 軟件太少, 連相簿都無, 再自行下載第三方相冊
2. 跟機乜都無, 連叉機數據線透明殼都無, 又話支援30W叉電, 都好心配個俾我呀 (我之前部II 係18W的, 即係要自己買)
3. 拍片的防震好似唔及其他兩間大廠, (睇YOUTUBE片的比較)

影相靚了, 電力夠了, 接收好了,
唔打機, 亦未拍長片, 唔知發熱係咪都有大改善 (之前II, 拍幾分鐘或影多少少相片, 已經好熱)

首先我喺LG手機嘅忠實fans. 上一部機係 LG V60. 無奈LG手機已經成為絕響. 唔出部rollable實在可惜. 今次換sony Xperia 1 V嘅原因, 係因為佢重保留headphone Jack同SD卡.

以下係我用咗七日嘅過人意見. 只供參考.

首先講下佢嘅外型, 6.5吋, 21:9 4k Oled, 上面預留前置鏡頭及上下喇叭, 唔係無邊框設計. 本人覺得比起其他牌子打窿屏幕更吸引, 更加乾淨企理. 垂直邊框+磨砂玻璃機背. 感覺更加乾淨/硬朗. 好適合男士用. 尤其係磨砂機背, 望落flat面, 手感唔係金屬, 唔係膠. 好有日系feel. Flat面, 好似依家大熱汽車用嘅顏色, 唔要令面. 襯三組垂直排列凸出鏡頭. 又一乾淨企理日系設計, 好鬼鍾意.

跟住講下個4k oled 屏幕. 又係LG嘅手筆. 畫面確實好靚. 可惜21:9, 太窄. 試問有幾多youtube影片係會用呢個比例? 電話睇片都唔會下下走去睇電影㗎.

聽歌表現一般, 好彩佢仲有保留headphone Jack. 明明Sony都出咁多Hi-Res player. 點解手機唔做好啲聲. 冇乜setting可言. 至少都加個DAC落去吖.

至於影相. 我自己都玩開相機. 對於手機拍攝通常都係用嚟做紀錄. 所以我要求唔高. 3組鏡頭, 廣角, 標準, 望遠變焦. 新賣點嘅雙層sensor就只有主標準鏡頭有. 出嚟嘅表現確實唔錯. 顏色唔會太誇張, 夜間拍攝對於手機嚟講算係中上表現. 廣角鏡我嫌佢唔夠wide angle. 不過出嚟表現都唔錯. 但就冇主鏡頭咁好. 至於望遠變焦85-135 就真係有啲嘥氣呀. 拍出嚟啲相有啲矇, 好似 crop 出嚟咁樣. 對焦亦都唔係好準. 不過都算去新嘗試.

至於手機操作. Setting 小得可憐. 感覺好似我要就部機多過佢跟我嘅用機習慣. 對一啲唔會set機嘅人嚟講應該冇乜所謂. 但係我係個啲要set到部機啱我習慣先鍾意嘅人. 有啲功能如單手操作, 側邊可以縮細個apps drawer等...就唔係好啱我用啦.

上面講曬

部機整體都係滿意嘅. 尤其佢外型同埋個4k 屏幕. 起碼今次佢真係解決咗發熱嘅問題, 可以正常操作.

由MkIII 跳 Mk V,明顯由屏幕質素，電力包括用電及充電時間都有大幅改善(只用返MkIII充電器)，尤其長焦鏡進步顯著，MkIII是散的，Mk V是實的。

取消了充電燈。

無換錯機。