16 July 2019
筆者熱愛上山拍照，但由於呢段期間實在太熱，無心戀戰，上山作戰，故想起到觀景拍攝日落。因為影日落經驗較多，都估到觀景山宜家岩日落位置，所以前往。其實我早在15 July 2019去過，但post ig story 突然有位師姐問我：影唔影到油庫開燈？開頭我以為係開黃色燈，就叫油庫開燈。當佢一send張真正油庫開燈時候，我即9刻想影到！於是第二天都決定去觀景山，唔知點解我有預感佢一定會開燈！
由於果日好熱，筆者又懶，係屋企dum左好耐先出門口，求其係冬蘑亭食個西炒飯，就趕巴士直到東堤灣畔站落車。去到四點左右，由於早日落時間太多，故去小炮台走一走，諗住打下卡，點知無野好影。於是再走埋落東涌村逛逛一d古舊建築物，吸收吓歷史精華！
是日出動鏡頭
正式開始…
一見到呢個建築物，即刻觸景傷情諗起歷史，呢個建築物，只會越來越少，喺香港唔會再有...
105mm iso64 f5.6 1/320
見到架好似鳳凰牌單車，光影都幾岩feel，又想有d散景blur blur地於是設定光圈f4！
105mm iso64 f4 1/800
如是者到5:30pm移步換景，前往觀景山。一上到去，我竟然第一時間唔係影個大景，我被陽光照落油庫既光吸引左先，於是500mm反射鏡出場！
500mm iso250 f8 1/500
一場黎到，點都要影下大景打卡既。光線好明顯上光下暗，但油庫部分仍然有陽光反射，台灣附近有颱風，下沉氣流影響，故很大煙霞，陽光光線較為溫，用上0.6 soft，一塊屬於微調filter最適合不過，收窄亮部，使質數及後製空間提升。
18mm iso64 f13 1/5 (H&Y filter CPL + GND Soft 0.6、Fotopro X-go Max)
太陽漸漸低垂，筆者習慣係太陽好低時候，開始用較長焦距，集中太陽方面。由於煙霞同太陽光差較大，又用緊55mm，用filter既話0.6 soft欠缺減光效果，故用上0.9 soft，增添減光成效。
55mm iso64 f8 1/20 (H&Y filter CPL + GND Soft 0.9、Fotopro X-go Max)
今日帶左500mm，自不然打太陽特寫啦！
500mm iso64 f8 1/160 (Fotopro X-go Max)
前面油庫竟然真係開左燈，不過前面個景仲未到最靚時刻。睇下後面！係紅霞＋反曙暮暉！果日咁紅，全因為遠方有颱風，下沉氣流所致。繼續用0.6 soft 輕微降低雲彩光度。
26mm iso64 f11 10s (H&Y filter CPL + GND Soft 0.6、Fotopro X-go Max)
前面大景最美magic moment時刻＋油庫亮燈！傳聞油庫亮燈遇上機會很低，有位師兄影左8年先至影到油庫開燈。再加埋小曙暮暉，機會率更低！有埋油庫亮燈，整個構圖更加原整，加埋magic moment餘光，重點唔止得個天，而上下都有。影到真係好撚滿足呀！
27mm iso64 f11 5s (H&Y filter GND Soft 0.6、Fotopro X-go Max)
Magic moment餘光 ＋ 油庫亮燈
55mm iso64 f8 8s (Fotopro X-go Max)
油庫亮燈咁難得，又帶左枝500mm影番幾張特寫先～
500mm iso64 f8 2s (Fotopro X-go Max)
500mm iso64 f8 3s (Fotopro X-go Max)
500mm iso64 f8 5s (Fotopro X-go Max)
多謝同場師姐！幫我同油庫著燈留倩影！
15 July 2019
果日影到日暈都post埋出黎，分享一下！
20mm iso64 f11 1/13 (H&Y filter CPL + GND Soft 0.6、Fotopro X-go Max)
呢日日落，我俾70分，日落雖然只係曚曚地既曙暮暉，但出現好紅既反曙暮暉。油庫著燈彩數已經低，加埋個天有少曙暮暉機會更加難得，呢個係一個好重既加分位，um...我加8分！總分78分！另外，令我有感覺就是我到東涌村時，果d舊建築物香港愈來愈少，內心有d說不出感概… 近排好鍾意遊歷啲舊村、廢村，成日喺度諗以前啲人點樣生活，個生活模式係點嘅呢？雖然可能冇乜嘢影，但係個心好想去了解一啲歷史，見到廢村越來越少人住，甚至丟空到殘破不堪，內心不禁有種惋惜嘅感覺。不過呢啲就係歷史，依家比着我都唔願意係個山頭入邊住，行成粒幾兩粒鐘先出返嚟城市，香港人最講求咩呀？方便呀嘛！如果宜家每日要咁嘅生活真係頂唔順，所以遊歷呢種係算一種心靈治癒，滿足個人嘅求知欲。
希望黎緊有機會或者有mood分享其他野，老鏡、新鏡頭又好，日常遇上大景出動經歷又好～唔知下次幾時，會遇咩大景又可以成個故仔咁呢^.^v
歡迎加ig交流！
instagram: andrewncy.images
