一向用慣用開單反D750、D810既我,追求原汁原味對焦感覺同埋超長對焦距離,當然,留意返手動老鏡啦~ 呢支鏡頭係機緣巧合之下,我終於有機會買到!筆者睇前幾日放咗阿富汗少女鏡 Nikon 105mm f2.5 P.C,記住係P or P.C版本,因為ai、ais版本好多鏡頭,已經鏡身縮水,變細鏡片,對焦距離縮短。當然嗰個時代,有啲金圈鏡頭真係金圈真材實料。依家啲現代鏡頭,簡直不堪忍賭,連最基本嘅對焦距離尺都冇埋。淨係篤個mon就完成對焦過程,影張相快門聲都唔得響,咁就完咗。無反適合現代人快、靚、正,但卻完全喪失晒影相當中過程和樂趣性。
講返支Jupiter-9 1: 2 F = 8.5cm P Contax-Kiev點樣得返黎。首先,PayPal已經係早一個月之前送咗$40俾我,嗰時我已經心郁郁想求其ebay搵枝鏡頭,但購入咗Nikkor 35mm f2.8 P.C,根本已經冇其他慾望。但係突然間八月中,eBay有比一個優惠我,買夠$80美金就回贈$10美金。我一直都拖,拖到月尾咁上下,我再開始上呢個網睇吓,開始留意到Jupiter-9 85mm f2 已改好Nikon mount。但係我依然不瞅不睬,到8月31號最後一日,我真係要用晒呢啲coupon啦~
於是渣渣林問過買家確認資料之後,最終價錢$1298成交。
哇!呢支鏡頭都仲有出世紙... 1962年!仲唔快啲入手真係對唔住自己!
驟眼睇鏡身質素好似唔錯~
鏡頭充滿眩光,係老鏡嘅味道吧!
全家福
而家我仲等緊支鏡頭喺俄羅斯運緊過嚟,問題唔知運幾耐,同埋唔知堅定流。賣家需時一個月,網站預測日期亦都一個月...... 到時到手嘅話,第一時間出開箱文!
instagram: andrew_angels
多謝收看!多謝睇我分享!