優點:
1. 焦段覆蓋大
2. 成象唔錯, 對得住個價錢
3. VR真係幾得! 300mm 1/20 差唔多下下中!
缺點:
1. 光圈開盡唔夠SHARP(聞相的話), 收一級光圈可解決問題, 講真以天涯鏡黎講, 算係好好了
2. 對焦唔夠靜, 會KA一聲, 初頭仲以為支鏡有問題...上CS後發現應該支支都係咁!
3. 個鏡筒伸好長, 半年未夠就入左唔少塵...可能係我粗用問題...
4. 對焦近野戈時個焦距會縮水, 不過呢個亦都係旅遊鏡常發生的事!
評價:
之前用左幾個月, 出過幾次工幹旅行, 開頭戈2, 3次都帶16-35 + 28-300, 後來睇相發現我用16-35占左8成以上, 講真旅行影相根本冇幾可會ZOOM到300mm, 不過要用戈陣佢又真係比到你WOR, 所以有時真係幾矛盾下...不過我之後幾次出trip就已經唔帶呢支鏡出去...淨係16-35 + 50 1.4對我黎講夠曬用...所以最後我都係放左比朋友...
呢支鏡好唔好就見人見智啦, 想一機走天涯多D焦距玩, 呢支一定走唔甩, 但如果話去歐洲旅行, 28mm係根本唔夠用...D教堂風景分分鐘要16-18mm先影得曬...