Sony FE 28mm F2

評測報告

實拍照片

1. 輕
2. 相對便宜
3. 光圈全開可用,銳利,中央固然係,就算係邊位都唔輸蝕
4. 室內光圈全開拍攝,影活動嘅人或寵物都處理得好好
5. 變形及四角失光控制合理

1. 紫邊 (但其實唔算嚴重,而且軟件後制可以簡單處理)
2. 散景景深無想像中咁淺 (咁28mm其實想要乜? 純粹貪心要淺D啫~哈哈)

話說出機時買左枝55F1.8,影人就係一流,但影景就真係R晒頭,於是決心搵返個拍擋處理下wide角度....想敗2470,但現價我覺得都仲係貴,始終得F4我覺得真係有D唔值,於是就諗到呢枝新品28F20,買之前睇過本地同台灣唔同嘅師兄用後分享,台灣D師兄更稱佢做"佛心鏡",咁係芸芸S記E環裡邊要抵但又有質素嘅,似乎都只能數到佢,於是上過S記陳列室再試下,發覺真係夠利,所以忍唔住敗左! 去到近日一個天色麻麻又多雲,個天白蒙蒙嘅日子裡,我拎左佢黎試,第一個感覺就係輕~輕~輕~!! 我個人覺得用得A7系列嘅朋友,某程度上都係受夠傳統單反嘅重量,所以輕其實真係幾重要架!!係S記未為FE出真正嘅餅鏡前,200G重量我覺得已經算係咁(何況到出餅鏡時可能大家又擔心鏡片結構簡單畫面受影響) 再影幾張相,發現畫質依然銳利,色彩還原合理(至少係我心水),係逆光紫邊感覺多左D,但果日天色本來就唔靚,我覺得又唔可以怪晒枝鏡...總之,以三千唔洗嘅價錢,我覺得真係無話可說。

至於另一次試鏡就係室內,我個人比較鍾意影下寵物,所以除左係訓左嘅阿貓阿狗,否則就算有五鈾防震都好,我好難用相對慢既快門影郁緊嘅對象,所以係室內大光圈就好有幫助,將ISO推1600-3200,光圈全開,用1/125-1/250可以合理地處理到個畫面,我相信呢方面對於成日要係屋裡邊影活動中嘅小朋友都好有幫助,因此我覺得帶A7出街時,幾時都將呢枝鏡帶定係身,用黎處理來自室內環境嘅挑戰就最穩定!!

期待各位師兄繼續响A7身上搵到更多樂趣,上黎分享圖片同心得~攝影快樂!!：）

3,000蚊唔洗，金屬鏡身，防塵防潮，輕，對焦快，個遮光罩仲幾型仔。
係可能無 35F2.8 d色水咁靚，但一半價錢，光圈仲要大兩級，我要影小朋友，大一級就係一級，我覺得收貨架啦。色水咪用‘鮮明’選項加加減減補返囉。

呢支晌FE鏡群入面真係學台灣人講係‘佛心鏡’，無買貴亦無買錯。貴鏡如2470F4有一大班師兄插，但呢支我買之前睇過一排，普遍好評。

買完佢，基本24同35都可以唔諗住...下一支應該可以直上55F1.8ZA了...

- 輕
- 細枝
- 可以配合延伸鏡頭成ultra wide 21mm 2.8 鏡頭
- 金屬身＆接環
- 價錢可接受
- 旅行用一流

- 無防塵防水滴（2千幾蚊無謂要求太多）
- 色彩平傭
- 金屬身都幾易花（買返嚟貼貼紙就可以解決）
- 2光圈（做到1.8會加分）
- ultra wide鏡頭比較貴，無乜動力去買，但同時係呢枝鏡賣點之一

剛買A7iii的時候一同購入，配合A7iii無反輕巧機身是絕配！

如果想在旅行時影相有返啲質素，唔想要手機相的話，這枝28F2就非常合適。F2散景來說已經很不錯（對於要幫女朋友影相po ig的話）。

作為新手或不想投放太多錢的朋友又想旅行影下snap shot／野食照都是一個非常不錯的選擇！

1. 金屬鏡身，質感手感良好
2. 鏡片用料足，光圈全開，照片中心仍夠銳利
3. 9片光圈葉
4. 對焦速度理想輕快
5. 夠輕
6. 價錢合理，平民化廣角
7. 有兩款超廣角及魚眼adaptor以供額外選購，多花巧，玩味夠

1. 雖然鏡身造工好，但鏡底資料竟然全是用貼子，不是絲印，扣分
2. 用料足，但紫邊嚴重，相片邊沿鬆散
3. 原裝無鏡袋跟，遮光罩細，不像SEL55F18Z用金屬及好看
4. 原產地非日本
5. 最近對焦距離只有 0.29m (如果有24F18Z 的 0.16m就perfect啦)
6. 雖然賣點可加adaptor, 但絕對不要對成像有要求，況且超重 SEL075FEC 有成 418g，加埋支母鏡成 600幾g, 差不多等如 A7 II BODY嘅重量⋯⋯

小弟由N記D700轉會到C記的5D3，再剛轉會到S記的A7 II
坦白講，真的俾拒嘅輕便同科技吸引住才轉會 （當然亦受夠C記吱牙膏嘅市場策略）
(N記產品質量及檢定，近年每況愈下，遲些我會於A7 II 評價內講述一下買機時遇到其他買家選購N記新出的D750的好笑糟遇），但真係轉會前亦考慮左好耐好耐，因Sony鏡群發展及支援真係未夠成熟，無咩好選擇，
更何況支援無反全片幅嘅e-mount FE 鏡更少得可憐。
雖然有好幾支蔡司認證鏡都不錯，但絕不便宜，性價比亦也不及其他兩間大廠好，
所以轉會前都搜集左好耐有關e-mount 鏡頭嘅資料及外地用家評價嘅相片樣本作參考，因為對成像有要求，所以最後放棄左原裝跟機 28-70 kit-lens 的套裝，(其實支kit一樣平靚正) 所以改為選購淨BODY 加兩支定焦鏡，
就係 (SEL55F18Z) 同埋 呢支 (SEL28F2)，
因呢兩個 range 正好 cover 晒我個人平時常用嘅焦段。
點解會選擇呢支28mm，而不選擇另外支 35mm 2.8菜呢？
第一，價錢
第二，光圈
第三，性價比
坦白講，以三千蚊不到嘅價錢去跟支 35F28Z 比較的話，
雖然支 35F28Z 比較輕亦比較利，
但我都寧願要呢支 28F20，因大一級光圈就係大一級光圈，
於室內環境影小朋友或貓喵的話，2.0一定比2.8好，
配合 A7 II （因本人認為其可接受的ISO只可以到1600) 所以光圈大會比較著數，
況且呢支 28F2 成像絕不比支 35F28菜差，就講對焦速度，尤其暗位都比支 35F28菜快，(就算比起我另外一支55F18Z都爽快）以咁嘅價錢同質數，絕不比有菜認證的鏡差。整體表現良好。

暫時以e-mount菜的話，本人試過最滿意果支菜係 24F18Z (可惜不支援full frame)
其次就係 55F18Z (超級利器的一支)，如果用呢支鏡作比較的話，
個人假設上述兩支評分為100的話，28F20都值80分。

因為我無再另外選購 adaptor 所以不能作有關評論，但我個人都唔太 prefer 支16mm魚眼，一來重，二來影象質素一定下降，價錢又貴，所以我只會比較建議大家考慮選支超廣角 21mm SEL075UWC 因比較實際好用點，價錢又平三百幾。

簡潔 緊湊 安靜 對焦快速 價格合理
體積真細小 重量輕 鋁合金材質
28mm焦距 恆定F2 最近對焦距離0.3幾 足夠自由

我看過很多GM鏡VS此鏡的評測 在聞相的時候此鏡必輸（是的 相當硬膠及多膠魚^^!）
我的經驗是器材高低級影響15%
技術及認知高低級影響200%
所以ok啦
另外此鏡初出道時的缺點是沒有鏡身防震,但現在肯定不是問題^^
基於價格 我認為此鏡毫無缺點!甚至乎更貴的鏡都沒有它的長處 輕 細

好多年無寫器材心得報告,今夕何夕?. 這些年 相機除了工作已經不會隨身帶,100%只用手機拍攝生活的一切,近日執拾家居整理器材及電腦檔案 返看舊圖片,驚覺以往的相片特別是即使生活照都張張藝術品!都在FB IG 朋友圈展示過,只是近十年手機拍攝的一切如同垃圾.我決定找一部細機再隨身,思前想後原來sonyA7X系列拆下所有配件比m43更細 沒必要搞另一個系統.然後我必須找一支特別輕細的常用掛機鏡,看了這28F2的光學組成 2片非球面 2片ED低色散 1片先進非球面 再查看MTF一切都正常就入手了. 用在A7rIII 4000萬像素解像度沒有問題 廣角鏡最常見的輕微筒狀變形一樣具備RAW輕鬆修復一切,廣角鏡怕斜則入光 我用天文望遠鏡用的消光黑絨布完美貼在庶光罩內.難以想像我用了最少錢入的這支鏡足夠我改變近十年的失去!我不會再用手機拍攝我的生命!

以這個價錢，你估不到光圈全開就是sharp，影人一流，中央清晰程度達至55mm 1.8的7成。散景不是太散，但個人非常喜愛。輕亦是重點，近攝人像遠拍風景皆宜。

發色差，幾乎張張就要修圖，而且須要修圖技術高，若自問修圖技巧高超，不用考慮地購入。其次是變形，我習慣用35mm，28mm的變形拍人像真的要很熟習鏡頭特性才成，否則拍出麒麟臂及龍躉就只能斬頭出來用了。

這樣性價比高的廣角鏡，若是A7R3或以上機種切勿錯過，台灣人的佛心鏡評語所言非虛。