Sony FE 28mm F2

評測報告

實拍照片

1. 金屬鏡身，質感手感良好
2. 鏡片用料足，光圈全開，照片中心仍夠銳利
3. 9片光圈葉
4. 對焦速度理想輕快
5. 夠輕
6. 價錢合理，平民化廣角
7. 有兩款超廣角及魚眼adaptor以供額外選購，多花巧，玩味夠

1. 雖然鏡身造工好，但鏡底資料竟然全是用貼子，不是絲印，扣分
2. 用料足，但紫邊嚴重，相片邊沿鬆散
3. 原裝無鏡袋跟，遮光罩細，不像SEL55F18Z用金屬及好看
4. 原產地非日本
5. 最近對焦距離只有 0.29m (如果有24F18Z 的 0.16m就perfect啦)
6. 雖然賣點可加adaptor, 但絕對不要對成像有要求，況且超重 SEL075FEC 有成 418g，加埋支母鏡成 600幾g, 差不多等如 A7 II BODY嘅重量⋯⋯

小弟由N記D700轉會到C記的5D3，再剛轉會到S記的A7 II
坦白講，真的俾拒嘅輕便同科技吸引住才轉會 （當然亦受夠C記吱牙膏嘅市場策略）
(N記產品質量及檢定，近年每況愈下，遲些我會於A7 II 評價內講述一下買機時遇到其他買家選購N記新出的D750的好笑糟遇），但真係轉會前亦考慮左好耐好耐，因Sony鏡群發展及支援真係未夠成熟，無咩好選擇，
更何況支援無反全片幅嘅e-mount FE 鏡更少得可憐。
雖然有好幾支蔡司認證鏡都不錯，但絕不便宜，性價比亦也不及其他兩間大廠好，
所以轉會前都搜集左好耐有關e-mount 鏡頭嘅資料及外地用家評價嘅相片樣本作參考，因為對成像有要求，所以最後放棄左原裝跟機 28-70 kit-lens 的套裝，(其實支kit一樣平靚正) 所以改為選購淨BODY 加兩支定焦鏡，
就係 (SEL55F18Z) 同埋 呢支 (SEL28F2)，
因呢兩個 range 正好 cover 晒我個人平時常用嘅焦段。
點解會選擇呢支28mm，而不選擇另外支 35mm 2.8菜呢？
第一，價錢
第二，光圈
第三，性價比
坦白講，以三千蚊不到嘅價錢去跟支 35F28Z 比較的話，
雖然支 35F28Z 比較輕亦比較利，
但我都寧願要呢支 28F20，因大一級光圈就係大一級光圈，
於室內環境影小朋友或貓喵的話，2.0一定比2.8好，
配合 A7 II （因本人認為其可接受的ISO只可以到1600) 所以光圈大會比較著數，
況且呢支 28F2 成像絕不比支 35F28菜差，就講對焦速度，尤其暗位都比支 35F28菜快，(就算比起我另外一支55F18Z都爽快）以咁嘅價錢同質數，絕不比有菜認證的鏡差。整體表現良好。

暫時以e-mount菜的話，本人試過最滿意果支菜係 24F18Z (可惜不支援full frame)
其次就係 55F18Z (超級利器的一支)，如果用呢支鏡作比較的話，
個人假設上述兩支評分為100的話，28F20都值80分。

因為我無再另外選購 adaptor 所以不能作有關評論，但我個人都唔太 prefer 支16mm魚眼，一來重，二來影象質素一定下降，價錢又貴，所以我只會比較建議大家考慮選支超廣角 21mm SEL075UWC 因比較實際好用點，價錢又平三百幾。

1. 廣角。說實話SONY的原廠廣角鏡好少，得支16-35仲要F4，呢支F2，終於室內影冇難度。香港地地方淺窄，35MM响我屋企都比較難施展，更別論50MM了（因為本人影吾少家居照）。35MM個人覺得影大圍既人都係太近，28MM正好影到對面枱既人。如想近啲，其實行前少少就得。
2. F2，之前套機果支要F3.5，依家隨拍一流。可隨時做大光圈特出主體。
3. 輕。果支55F1.8好重下，55又有啲遠，吾太方便用，除非只用黎影人像。
4. 9片光圈葉。以往通常只會在電影鏡先有，依家3千几蚊就有。
5. 可轉接成21F28，更可轉成16MM。16MM果個轉換頭應該好少人買，但21MM果個頭真係好，計埋個鏡都只係5千樓下。就有超廣角鏡用。
6. 對焦快。仲快過35F28果支少少。
7. 平。 3千零蚊仲想點？

1. 對焦。E mount 始終冇單反對焦甘快，反應冇甘零敏。
2. 如果標到個蔡司LOGO就好了，不過甘既價錢冇可能。

先講講背景。我主要拍細路仔（自己個女），主攻兒童攝影和人像（老婆大人），散景大光圈是必須的。本來用開CANON APSC，后尾想上全幅（都係為左散景），嫌C家太重，雖然C家啲色水影人係几好，但啲裝備太重真係好吾方便，以前用70D+1755，重到渣機耐左，手臂都有少少痛。同屋企人出去又要成日抱細路仔。所以之後上全幅又點攞5D，6D雙鏡？所以都冇乜得揀，得SONY A7。
但A7啲原廠鏡頭又真系少得可憐，首先用得FF，APSC鏡念都吾會念，否則就用A6000啦，洗鬼用A7咩，仲細部啲。另外用得A7都係貪佢FF機之中最細部，所以從來冇念過要轉接A mount，又多左舊野又肉酸又吾輕便。原廠變焦鏡得小三元，影人主要得支55F1.8，冇柰只能用手動老鏡，手動老鏡係多，但手動老鏡影小朋友真係好吾方便，冇自動對焦。。。終於等到今年，SONY出呢支平民廣角28F2，專登去專門店試對焦速度，居然比35F28仲要快啲。又可以轉接變成21MM F2.8，雖然本人吾係點影風景，但如果想影風景的攝友真係福音，已往超廣角鏡都好貴，仲要大光圈，吾好話大光圈影景冇幫助，晚黑手持影景已經不是夢。
空間感也是本人買鏡考慮既原因，我是想影多啲生活照，要納入多啲背景，傳統的人像鏡個人覺得，防大左背景，吾太啱自己用，雖然散景效果更好，個人覺得50左右已經好盡，去到85mm，135mm都基本冇晒背景了。所以28mm背景多，外加F2散景，都几啱我用。
以往成日都比啲老手問做乜用SONY。佢地用慣左大機（呢班老手又多數係用NIKON的，對單反有特別既情誼，其實講真NIKON開始走緊下坡了，出親既機多數出事，題外話啦），班老手又點會知對我呢啲新手黎講，重量有几重要，根本就係帶出去影同吾帶出去影既分別。其實我都係C家轉過黎，我覺得SONY預設既色係有少少怪，但好多野都可以調，而且佢地大部分都認為之前SONY單反既半透鏡技術係歪道，而影响左對SONY的印像。其實A7出左之後，除左對焦速度，大部份FF單反機做到既野，A7都做到，而且輕差不多一半，仲想點？今年SONY四鏡一齊出，希望SONY再出多啲平民鏡，吾好成日出蔡司，造福人群！邊有可能下下買蔡鏡架。
總結此鏡絶對是A7必買的，平靚正之作！如果是APSC機就吾駛買，APSC就有很多平和輕的鏡頭可以選擇。

1. 輕
2. 相對便宜
3. 光圈全開可用,銳利,中央固然係,就算係邊位都唔輸蝕
4. 室內光圈全開拍攝,影活動嘅人或寵物都處理得好好
5. 變形及四角失光控制合理

1. 紫邊 (但其實唔算嚴重,而且軟件後制可以簡單處理)
2. 散景景深無想像中咁淺 (咁28mm其實想要乜? 純粹貪心要淺D啫~哈哈)

話說出機時買左枝55F1.8,影人就係一流,但影景就真係R晒頭,於是決心搵返個拍擋處理下wide角度....想敗2470,但現價我覺得都仲係貴,始終得F4我覺得真係有D唔值,於是就諗到呢枝新品28F20,買之前睇過本地同台灣唔同嘅師兄用後分享,台灣D師兄更稱佢做"佛心鏡",咁係芸芸S記E環裡邊要抵但又有質素嘅,似乎都只能數到佢,於是上過S記陳列室再試下,發覺真係夠利,所以忍唔住敗左! 去到近日一個天色麻麻又多雲,個天白蒙蒙嘅日子裡,我拎左佢黎試,第一個感覺就係輕~輕~輕~!! 我個人覺得用得A7系列嘅朋友,某程度上都係受夠傳統單反嘅重量,所以輕其實真係幾重要架!!係S記未為FE出真正嘅餅鏡前,200G重量我覺得已經算係咁(何況到出餅鏡時可能大家又擔心鏡片結構簡單畫面受影響) 再影幾張相,發現畫質依然銳利,色彩還原合理(至少係我心水),係逆光紫邊感覺多左D,但果日天色本來就唔靚,我覺得又唔可以怪晒枝鏡...總之,以三千唔洗嘅價錢,我覺得真係無話可說。

至於另一次試鏡就係室內,我個人比較鍾意影下寵物,所以除左係訓左嘅阿貓阿狗,否則就算有五鈾防震都好,我好難用相對慢既快門影郁緊嘅對象,所以係室內大光圈就好有幫助,將ISO推1600-3200,光圈全開,用1/125-1/250可以合理地處理到個畫面,我相信呢方面對於成日要係屋裡邊影活動中嘅小朋友都好有幫助,因此我覺得帶A7出街時,幾時都將呢枝鏡帶定係身,用黎處理來自室內環境嘅挑戰就最穩定!!

期待各位師兄繼續响A7身上搵到更多樂趣,上黎分享圖片同心得~攝影快樂!!：）

其他師兄講晒. 就係
平
輕
大光圈

優點係28mm
缺點都係28mm, 比起35mm 或50mm, 就算F2.0 壓縮感係唔夠

一直想幫 a7 買支 FF又e-mount 既 wide angle, 終於等到SONY 肯出.
廣角鏡誇張前景, 但又有 f 2.0, 一機一鏡去旅行, 近影櫻花, 中影花圃, 廣角影天空雲海都得. 岩晒我呢 D 懶人. 用 A7 都係因為想輕姐~~

3,000蚊唔洗，金屬鏡身，防塵防潮，輕，對焦快，個遮光罩仲幾型仔。
係可能無 35F2.8 d色水咁靚，但一半價錢，光圈仲要大兩級，我要影小朋友，大一級就係一級，我覺得收貨架啦。色水咪用‘鮮明’選項加加減減補返囉。

呢支晌FE鏡群入面真係學台灣人講係‘佛心鏡’，無買貴亦無買錯。貴鏡如2470F4有一大班師兄插，但呢支我買之前睇過一排，普遍好評。

買完佢，基本24同35都可以唔諗住...下一支應該可以直上55F1.8ZA了...

平，輕，細，做工優良，對焦快狠準，大光圈f2

色彩普通，不及我長期使用過Sony Zeiss35 2.8,55 1.8,16-70,24-70,16-35的色彩和散景

作為隨身鏡，c p值極高。