優點:
- 畫質到今天完全不輸新機,尤其低ISO下影人顏色唔錯
- 加轉接環可以用到大部份舊鏡頭
- 可錄影及機身內置收音
- 有2100萬像素
- RAW檔只係16MB一張相左右,細過S記一倍有多
- 今日仍是主要用機
缺點:
- ISO過1600差質開始多雜點
- 自動對焦唔準,暗少少都會拉風車。不過用舊鏡多,改做裂焦屏對焦就無問題
- 只可用CF卡
- 要用高速卡先可以錄影,錄影時間長機身會熱
評價:
當年朋友平放二手買入,一直到今日還在用,影人影鏡都正,畫質一D都唔輸新機。
最正係可以用到大部份M42舊鏡,又食到Nikon F舊鏡頭,咁就大量超高質平價鏡頭可以用。
今時今日二手價五千下的單反full frame,仲可錄影及有內置收音,用料同功能設計都好夠用,影人膚色紅潤自然。
係差在ISO過1600時雜點就開始較多,同自動對焦系統唔準,暗少少都拉風車,用副廠鏡更嚴重,所以只建議改裂焦屏玩手動鏡頭。
二手機連直倒加枝俄仔八羽怪加遮光罩再改裂焦都唔駛六千。學攝影無咩閒錢唔介意用手動對焦,堅係平靚正之選。