新聞互動
「青衣自然徑」利害的地方唔係因為佢西,而係佢鄰近市區出入方便,仲非常非常易行! 長者小孩都絕無問題~
更重點係沿路望住青馬大橋全海景日落嚟行!
+++++++++++++++++++++++++++
+++++++++++++++++++++++++++
「青衣自然徑」位於青衣西北方,長宏村隔離
定位係「晨運路徑」,設計上本身就係比老人家小朋友和12隻恐龍去野餐的,咁條路難極有限啦~
廢話少講~ 起行啦~
今次我選擇由北面入口開始~
使唔使一開波就整條咁長既樓梯呀!!
不過放心唔好比佢嚇襯,細細級好易行,而且往後咁長既樓梯都無乜了
先苦後甜下先啦~
不過建議大家唔好行太慢,好鬼多蚊…….
一行完樓梯幾步已有野睇,
呢個好似係船廠同汀九橋吧~
睇地圖好似好遠,但10分鐘已經來到第一個check point 4號觀景亭
理論上唔會需要係度休息ge,繼續行啦~ 分叉路行右去3號觀景亭呀~
行多15分鐘就到達3號觀景亭休憩處~
基於呢條係晨運徑,可以想像清早時分該有唔少銀髮阿伯係度練習度卡卓夫前空翻
(《我要高飛》藤卷駿自創的度卡卓夫前空翻,呢套漫畫都唔算好偏門je~)
最後我簡單做個4周空翻落地飲啖水就繼續行了~
呢段路可以見到唔少有趣的動植物~
就算唔計只聞其聲不見其形的各種雀鳥,我路上所見都有石龍子、大紅花,仲有背光的白千層~(好似係)
(石龍子,我阿爸話即係「草龍」,雀仔最鍾意食,咁大條點食ar.......)
但呢d都唔係呢段路既重點~
行不多遠,轉眼間已到青衣自然徑的最高點!
所以如果妳預早無提醒同行女伴搽防曬的話,佢一定會殺左你
但如果真係唔記得ge話,都有補鑊方法ge~
「傻豬~ 黑黑地咪幾靚幾健康,仲可以搵多d錢tim~ 妳聽日去禁門鐘講一句5字真言,人地就會打開門比份工妳ga la~ 果5個字就係……….」
如果有講得哂以上54個字都未死得既男士,記得留個言話我知!
(後面可見青衣全貌,都唔錯,但個馬灣海峽view實在太強大啦!!!!)
如果覺得山頂太多人太多樹唔岩打卡ge,無問題~繼續前行啦~
而且真係睇極都唔悶,香港真係好靚呀!!!!
由2號觀景亭至1號觀景亭條路係屈返入內陸,風景雖然無之前咁靚,但路段以平坦,輕鬆易行,可以盡情享受郊遊的樂趣~
原本我都放棄左日落,因為岩岩青雲徑一段雖毫無疑問絕對會睇到,但日入後仲有一大段路黑嗎嗎唔太穩陣
(呢個山坡咁樣睇好似無乜野,但睇下下圖既右手邊--------)
講真呢個景真係世界級,對比起歐洲國家的日落都毫不遜色,絕對有一拼之力
++++++++++++++++++++++++++++
《【德國working holiday第四十八章】 腓特烈港的日落》
++++++++++++++++++++++++++++
睇完日落就好快d落山啦!!
呢條「葵青慶回歸健康徑」沿路幾乎無街燈ga!
不過由1號觀景亭至南面入口離開都係行15-20分鐘左右je~左邊有巴士小巴站返青衣城~
「青衣自然徑」,非常快成功行完!