西貢泥涌︱大海、夕陽與天空之鏡【香港郊遊15】
有d野細個唔識珍惜，到大個先會知佢既寶貴之處
呢個道理多數apply係中學時追女仔，估唔到我竟然應用到落「泥涌」呢度!
鬼咩~ 住沙田既我，中學時代係泥涌都唔知留左幾多腳毛
記憶中只係成班佬無女仔既BBQ又熱又悶，仲要個個窮苦學生，唔知邊條粉腸帶路由馬鞍山新港城行入去.......
哎呀前言又太長tim~
總之廿幾年後的現在重臨舊地才發現，泥涌竟然係一個擁有極美自然風光，並且超方便到訪的小郊遊地點~ 仲一次過有齊大海、夕陽與天空之鏡美景!
點解我蒲左沙田30幾年，而家先知有個咁好既地方就係左近呢........
- 文章概要:
- 交通
- 平坦小路
- 大叔的碼頭
- 石灘攝影
- 殘橋與泥漿
- 泥涌日落
- 交通
話就話「泥涌」屬於西貢區，但根本就係烏溪沙不遠處，多數沙田人(至少我係)都當左佢係馬鞍山的一部份
交通方面，幾乎所有由新界東入西貢的車都會經過，即可於沙田市中心坐299X
而家屯馬線開通咁興奮，更加可以坐到總站烏溪沙才轉乘99號巴士，會平過係馬鞍山站上車的~
另外泥涌巴士站做緊工程以致非常唔顯眼，小心錯過!
+++++++++++++++++++++++++++++++++++++++++++
- 延伸閱讀 : 《【香港郊遊4】赤徑與鹹田灣，宛如沙巴的美麗海灣》
+++++++++++++++++++++++++++++++++++++++++++
落車後按指示行入去，見到舊巴士站位繼續直行
係下圖果個位行落去就係泥涌了~
烏溪沙巴士坐5分鐘，落車又行5分鐘，即係唔使4個杯麵的時間就到達郊遊風景位 (點解聽落好似好耐ge?)，會唔會太過方便?~
(圖中方向直行~)
- 平坦小路
斜路一落，入目已是一片非常廣闊的泥石灘~ 好靚呀~
面對咁靚既風景，係好應該立即飛撲落去全身暑假投奔初夏~
但我只非常冷靜地係上圖呢個角度猛咁影
梗係啦.......外面34度酷熱警告，我企呢度就涼風樹蔭，點會想郁........
其實諗真d，明明泥同石都唔係咩乾淨野，點解呢度會咁有feel ge? 唔通真係藍天白雲加持下全部upgrade 50%?
終於比蚊蠓咬到焗住要走........
沿路前行可以睇到大石灘的不同面貌，一d都唔覺得悶~
- 大叔的碼頭
行不夠10分鐘，已到達盡頭泥涌碼頭~
上網睇其他介紹相果陣，碼頭係空無一人任影唔嬲，誰不知我當日一大班「黑古luc掘」大叔一字型坐哂係度
潛意識成班阿叔聚埋，一定黃賭毒是但衰一範唔荒好野!
喂再睇真d -------- 成班麻甩大叔係度放風箏!!!!?????????
再仔細聽佢地高談闊論，原來係自己友圍內鬥風箏，玩法似乎係邊個?斷哂其他風箏就算嬴!?
成班男人?女見得多，?風箏我都係第一次見....... 點解d活動咁健康ge，個feel好唔match ar..........
不過當我由下方影上去，一班風箏佬成張哪些年poster咁，又真係陽光青春左wor~
(那些年，一起煲煙放風箏的大叔)
(碼頭另一邊全部都係風箏線)
(另加大量插腳蠔殼)
(日版女主角完勝)
(私心放多張飛鳥圖先~)
- 石灘攝影
係時候落石灘影下相啦~
呢度就無咩好講了，始終我影相都係弱雞，大把師兄比我更識囉角落搵靚位~
只係想提提大家，7月盛夏，起碼下晝5點後先會既有陽光又無咁曬~
對我嚟講，呢個時間岩岩好，起碼唔會變燒豬先~
(都幾多人嚟影pre wedding，但唔會好污糟咩?)
對鞋夠勁又或似我著cross既更加一流，可以行落水或涉水去唔同地方地形海邊影相~
赤腳得唔得?
當然無問題啦~ 但首先你要有石舂路跑步唔慘叫既能力~
(係海中心影過去，都ok~)
- 殘橋與泥漿
影完石灘，可以過返殘橋果邊影相啦~
話哂都係泥涌的標誌，所以大部份人都會湧哂去橋度影相，甚至會有d大媽影足兩粒鐘阻x住哂
都係果句，唔係唔比妳影，但唔好當自己買左呢度死霸住d位先得ga，入哂鏡ga!
新垣結衣就話無問題je，妳地係屯門阿姨ja，理下其他人感受啦唔該
唉，睇嚟要認真練下photoshop了.........
(呢張相......我用左半個鐘嚟執走4個大媽....)
(而有一個仲係我後面)
(影左兩個鐘.......無語.......)
另外，如果要上橋，我建議正正經經由橋尾上去
因為若似我咁想打橫剷過去，斷橋兩旁全是輕軟污泥，我一踩就沉到落小腿，十足盜墓迷城沉落d浮沙咁!
而且d泥會完全吸實對腳，超極難拔返個人出嚟，一個唔該向前仆既，包妳立即變周星馳!
(一張圖睇哂大媽阻街同洗泥既狼狽~)
- 泥涌日落
江湖傳聞如果岩時間，泥涌係影天空之鏡的好地方~
我相信應該係得ge~ 只係可惜我到訪當日水唔算多，只能影到部份鏡面，但已經好滿足啦!
近日落時分，係殘橋係某d角度仲可以影到兩個太陽tim~
係殘橋見太陽入山後唔好走住，快d行返去碼頭果邊!
因為 ---------- 好大個咸蛋黃呀!!!!!!!!
+++++++++++++++++++++++++++++++++++++++++++
- 延伸閱讀 :
《【香港郊遊14】紅香爐峰10分鐘極速攻頂︱維港日落全景最佳選擇》
+++++++++++++++++++++++++++++++++++++++++++
痴線ga!
泥涌呢度，唔單止有齊斷橋清水綠草等等美景構圖原素，仲有環山海景、天空之鏡與黃金夕陽，所有野都只係離市區10零分鐘路程，會唔會太得天獨厚呀!
學生時代唔識佢有幾好，而家比我發現後，睇怕都有round 2 round 3 round無限了~
希望唔會又極速比人群攻陷啦~
好~ 最後係注意事項~
- 如果唔計行落泥灘，由巴士站至風箏碼頭的道路完全平坦，連輪椅人士都能應付自如~
- 唔好著普通拖鞋，泥灘亂石非常刮腳，如果不幸如我沉落泥中對鞋一定無硬! 建議著返d防水力強或水上運動專用鞋，女仔想影相靚靚，就到時先換鞋啦~
- 近碼頭有公廁，但無士多，記得帶多d水呀~
====================================
請大家FOLLOW我INSTAGRAM啦~
=====================================
我既YOUTUBE CHANNEL正式開通啦!!!!
新影片已upload，快d Click入 「鋒加西亞 / 旅人瘋語」Subscribe 睇片再禁個like啦!~
主要影片 ：
- 【泰國】【芭堤雅】誤入邪骨!? 芭堤雅色情行業真相!
- 【歐洲】人有三急在歐洲怎辦? 卑鄙無恥! 歐洲免費廁所全攻略
- 【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!
- 【希臘】型爆海盜船酒吧扮魔盜王！超值60蚊一杯包遊船河！？
白濱系列 :
- 【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!
- 【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?
- 【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住!
旅行故事系列 :
=================================
相關篇章 :
- 香港郊遊系列
１小時內攪掂 ：
《005 - 沙田行去慈雲山，原來超級簡單》
《006 - 大埔三門仔，零難度的全海景輕遠足》
《009 - 粉嶺鹿頸至谷埔︱夕陽下的隱世蘆葦田》
《011 - 大美督家樂徑︱4大隱世絕美風景》
《013 - 長洲小長城︱驚喜十足的奇岩怪石小徑》
《014 - 紅香爐峰10分鐘極速攻頂︱維港日落全景最佳選擇》
２至３小時行完：
行完會攰：
《012 - 上窰郊遊徑+曝罟灣堤圍︱超強打卡+輕鬆行山首選》
- 發掘香港系列
城市偷閒系：
《1 - 香港Staycation首選，皇家太平洋酒店住後心得》
《2 - 城市步行︱鯉魚門的絕美日落》
《5 - 訊號山花園︱尖沙咀鬧市中的秘密綠洲》
影相打卡系 :
《2.5 - 鯉魚門石礦場︱夕陽下的芒草群》
《3 - 己連拿利︱港島攝影秘景，宛如荒涼未來的異世界》
《6 - 石峽尾公園粉色牆壁︱網紅火熱打卡點實測》
《8 - 歌連臣角炮台打卡位︱網紅不會告訴妳的兩三事》
《10 - 白樓「機場核心計劃展覽中心」︱夏天影相一流地點》
美食推薦系：
《4 - 香港的希臘小店，味覺的新衝擊》
《7 - 石峽尾一日遊︱美食推薦+文青打卡位懶人包》
《9 - 愛文生大排檔︱性價比超高的街邊豪氣滋味》
===============================
- Email : funggarcia@gmail.com
文章同時刊於以下平台，請各位多多支持呀!!!!!!!!!!!!!
我的遊記
- 上環紅葉餐廳︱9 蚊生蠔性價比超高! 【發掘香港12】
- 銅鑼灣避風塘堤壩︱維港海中心看夕陽︱鬧市的避世角落【發掘香港13】
- 【歐洲隨筆9】澳洲EMMAS澳美斯床褥評價︱外國月亮特別圓，鬼佬床褥特別軟
- 孫中山紀念館︱Mirror教主MV拍攝場地，真係值得去打卡?【發掘香港11】
- 西貢泥涌︱大海、夕陽與天空之鏡【香港郊遊15】
- 白樓「機場核心計劃展覽中心」︱夏天影相一流地點【發掘香港10】
- 愛文生大排檔｜性價比超高的街邊豪氣滋味【發掘香港9】
- 歌連臣角炮台打卡位︱網紅不會告訴妳的兩三事 【發掘香港8】
- 紅香爐峰10分鐘極速攻頂︱維港日落全景最佳選擇【香港郊遊14】
- 石硤尾一日遊︱美食推薦+文青打卡位懶人包 【發掘香港7】
- 石峽尾公園粉色牆壁︱網紅火熱打卡點實測【發掘香港6】︱丹麥手錶品牌「Nordgreen」推薦+85折折扣碼優惠
- 長洲小長城︱驚喜十足的奇岩怪石小徑 【香港郊遊13】
- 訊號山花園︱尖沙咀鬧市中的秘密綠洲【發掘香港5】
- 上窰郊遊徑+曝罟灣堤圍︱超強打卡+輕鬆行山首選【香港郊遊12】
- 香港的希臘小店，味覺的新衝擊【發掘香港4】
- 大美督家樂徑︱4大隱世絕美風景【香港郊遊11】
- 青衣自然徑︱馬灣海峽+青馬大橋無敵日落美景【香港郊遊10】
- 粉嶺鹿頸至谷埔︱夕陽下的隱世蘆葦田【香港郊遊9】
- 己連拿利︱港島攝影秘景，宛如荒涼未來的異世界【發掘香港3】
- 【多哈轉機遊】卡塔爾航空Free City Tour值得去嗎?
