東京雜記5 - 那夜凌晨，我坐上了東京開往大阪的巴士

喂~ 來往東京大阪既通宵巴士大把人坐過啦，使鬼你講咩~

唔係ar……..雖然我係世界各地既巴士坐足一晚真係當食生菜，比肥佬責、行李冧當、美女投懷送抱等等古怪情況有咩咁大支野未見過ar

但真係估唔到，係日本呢個咁common既地方做件咁common既事會有d咁古怪既經驗…….

 

時間上係2017年9月北陸之行既last day，岩岩睇完我女人係東京巨蛋既夢幻級演唱會，真係遠比想像中精彩得多，唔止全場大合唱氣氛一流，仲係我面前換左成10幾套靚衫，encore時仲坐埋熱氣球嚟討我歡心，人又靚歌又甜又溫柔又可愛，點解會有咁好既女仔ga………好きだよ……..

OK STOP 啦!!!!!!!!!!!!!!!!!!!!!!!!!!!!!!!!!!!

返返正題~

總之就睇完concert當晚直接返大阪join阿哥啦，JR pass期已過坐唔到新幹線，最平最實惠既方法都係坐通宵巴士慳返一晚住宿啦~

 

 

---

 

 

google下「東京 大阪 巴士」，選擇原來都幾多wor!

但同樣東京à大阪既距離，唔同公司會有唔同既時間及價位，而我最終係揀左下面最平既呢間 :

00:00 à 07:10，池袋上車，價格4700yen，3舊幾水左右，抵到爛

至於其他貴d既巴士公司，我睇相又唔覺有咩好大分別wor

日本野，差極有個譜啦，無事ge~

 

 

 

http://www.yutaka-kotsu.co.jp/highspeedbus.html

 

上車地點我揀左池袋Sunshine Bus Terminal，地點唔算極方便，因為JR池袋站行去都要成15分鐘，坐Metro”有樂町線”係東池袋站會近d，google map寫5分鐘，但我當時都要行10分鐘左右，趕時間既最好有扮保特既心理準備

而且車站位於一商場內，夜晚除左鐵閘外乜都無，要食野要行返出去外面兼選擇唔多

不過對我嚟講，有間簡簡單單Sukiya已經好滿足~

 

 

 

(幾百yen一個三重芝士牛丼，味道又唔差，性價比超高!)

 

12正開車，車站職員用日本少見既清晰流利英文叫我23:45係counter前呢個Terminal 3等就得

於是我食完飯23:35就企定定係度全身唔郁眼碌碌等車

等ar等……..點解無車ga呢? 以日本車既準時，23:45唔見影應該已經要驚

左右Terminal不停有車出出入入，係我企呢個terminal bb車都無架，不過我身邊都仲有成村日本人企係度等緊，都唔算太擔心

 

 

 

到23:54情況仍然無變，我開始奇怪…….就算而家有車，5分鐘都上唔哂咁多人準時12點開車ga……

見後面counter已close，一時心血來潮，走去隔terminal架巴士問問無死ge~

“Excuse me, Namba?”

“Yes”

咩話????????? 完全無任何notice or有人大聲講過話巴士轉左上車位law!!!

如果唔係我身痕走去問問咪走左車都唔知???

今次真係旅行經驗撘救，差d變左東京路宿者ar………….

 

(最型既露宿者)

 

Yes之後，負責點名既車長問我 “What is your name?”

“Chan Kuen Fung”

佢望望塊版 --------- “no, no your name”

What??? "Chan Kuen Fung not Tse Ting Fung wor!"

佢都仲係咁nonononono

我比埋手機個email佢睇問佢係咪呢架車，佢望完又話係，但又話無我個名，我用哂唔同快慢發音讀自己個名都話無!

死火啦………唔通係d咩位置出錯，比左錢但無買飛?????

突然腦內又靈光一閃飛向你 -------- 前晚買飛時，個網堅持要我輸入日文名字，英文唔受

無奈之下，阿哥尷粗將我個名音譯為片假名打落去，仲以防萬一cap screen左may be有用

果然! 班車長一睇到即刻恍然大悟 「啊 チン ケン  ホウ ! This one?」

我望望佢塊點名板，八加耶魯成個list全部日語漢字名，得我一個英文名大大隻字Chan Kuen Fung寫係度!!!! 究竟係咩原因先會諗我唔係板上面呢個外國人呢??????

我果個moment真係黑人問號上哂身……….

 

(好彩cap低，唔係有排攪.........)

 

咁我都無怪佢地，總之上到車就得了

車飛上無寫有畫位，上車會見到有個課室sitting plan貼係上車果兩級樓梯旁

咁岩arrange左我坐左邊最前排窗口位，大家都知果d位一定頂腳ge，不過好彩旁邊無人，總算可以鬆動d~

習慣上，我坐低第一件事就係拉走塊布簾佢，你知啦塊野一萬年都唔會洗ga嗎，何況坐巴士最開心既就係可以睇風景呢~

唔夠3分鐘，副車長就對住我手指指，態度仲有D差……..拉返埋塊簾??點解ar?

我望下後面，成架車又真係木乃伊咁款wor，咪拉返埋佢law

你話開左車怕街燈殘眼都話ar，而家車又未開，燈又未熄，點解咁強硬地要我關簾呢?? 真係咁怕人睇蝕你??

唉算啦就順下你意啦

 

 

終於開車啦~

巴士到最後一站橫濱上客後，我都confirm我旁邊真係無人坐，既然前面頂腳，當然係坐去走廊位鬆動d啦，何況窗口要遮，擋風玻璃唔會遮玩盲人渣車啦掛~~~

我想睇日本夜晚既街道景ar~~~~~~~~~~~

 

 

有時都諗，呢種夜間快車個feel都幾浪漫~

夜闌人靜，一群乘客在睡夢中穿過寂靜的黑夜，任路旁黃光劃過身邊………都未諗完，阿副車長就擰轉頭望住我

我微笑say hi~ 佢就講x你個街~ 用關公咁既樣低聲怒喝要我坐返隔離!

我問why? 但佢都沒有tell me why，幾乎就要郁手推我返窗口位!

Ok...........你咁凶狠我咪返自己位law.........

移動時，我順手將架車提供既毛氈放係前方”台”上，佢立刻又憤怒地扔返落嚟比我，更用日文低聲X交叉Y我一大輪(低聲原因係有乘客訓左)，到我坐定哂佢仍不停回頭怒視我.........

咩料ar...............我真心一頭霧水，點解呢d咁簡單既事佢會咁大反應呢???

以佢對我既目光，應該係我上星期劈左佢全家，乜「坐隔離位」同「望下街景」係咁大罪ga咩???

但我都唔想理解了，廢事嘈，mp3聽返我女人為我唱既歌好過~

過不多時上了高速公路，全車熄燈，副車長係我隔離果行坐低由關公變周公，而我都徐徐進入夢鄉了…….

 

(純粹放條巾睇返張相做示意圖，影完已囉返落lai費事嘈)

 

好夢正酣，突然feel到停車，原來係中途站去洗手間時間

矇住眼望望錶，兩點半，原來只係開左兩個幾鐘就break la? 不過唔緊要啦，落車清一清水份都好

ee…………乜我架車係紅van嚟咩? 穿越左去未來，點會有個未來廁所係我面前ge??

所謂未來廁所，唔係有個機械人幫你逗住小便，而係指佢純白太空倉咁既Cyber feel裝修令人有此感覺~

更重要既係內裡裝有一大塊電子平面圖，會顯示出邊格廁所係空，邊格係正在使用中，仲令人一目了然邊格廁所有咩設施! 設計非常貼心!

你話呢塊野係咪必要?

唔係，但日本人就係連呢d細微位都做到盡善盡美不斷進步，真係唔到你唔服!

 

 

 

舒暢過後上車開車繼續訓…………….

不多時車又停，我又醒，望下出面 ------- 又中途站? 又尿break兒??

望下錶 ------ 3點半?????? 岩岩兩半停左而家又停???? 阿司機你地唔好咁睇小我個膀胱得唔得呀???

我開始有不祥既預感…………………

事實證明係黑色預感呢方面我真係一個天才

到4點半…….停!........5點半…….停!.........6點半……都要停! 07:10落車啦喂!!!!!!!!

我頂!!!!! 一個鐘停一次車，即係全車人一個鐘醒一次! 達文西睡眠法都唔係咁ar???訓得好先奇啦!

係…………..我明……….為左全車人既安全，車長要休息足夠ar嗎……..

但你正副車長一個渣一個訓，每小時shift一次，咁既換班真係ok休息夠? 我自己訓一個鐘起身果下都超辛苦la………如果兩小時轉一次會唔會大家都舒服d ar…….

總之結果就係我成晚BB餵奶咁又醒又訓又醒又訓，有大學時唱完通宵K既感覺ar………………….

人生中坐得最「謝」既一程overnight bus竟然係出現於日本，真係諗都無諗過……..

 

 

(難波既晨光好靚，但我似疆屍見光死)

 

事後同阿哥講呢晚發生既種種事

佢解釋話日本上左年紀既人好多頭腦都唔靈活，load唔到我個名都唔奇 ;

至於座位，可能萬一有咩事發生時發現我無坐係佢地set好既座位，佢地可能會有麻煩，甚至會有保險上既問題，日本人本身就係rules is rules，佢覺得我break左佢地規矩所以發火掛

都合理ge，始終文化唔同，我係唔應該用我地自己認知果一套強自應用於其他民族身上

我寫呢篇野唔係為左鬧人發勞騷，只係純記述下我呢晚發生既事，比各位想坐日本通宵巴士既朋友一個參考~

至於d policy係咪得我坐呢間公司係咁就不得而知了~ 留待其他朋友發掘啦~

 

===================

 

 

相關文章 :

 

 《東京雜記 1 - VR館簡短Game評及小貼士》

 

 《東京雜記 2 - 東京千本鳥居+爆料天丼》

 

 《東京雜記 3 - 池袋的災害體驗》

 

 《東京雜記 4 - 日本第一炸豬扒》

 

 ====================

Email : funggarcia@gmail.com

 

Instagram : https://www.instagram.com/fung_garcia/

 

My Facebook Page : www.facebook.com/Garcia.in.German

 

Medium : https://medium.com/@funggarcia

 

～瘋人鋒語 - 30前80後的德國工作假期～  Promote your Page too