新聞互動
「長洲? 咪糯米糍、篤魚蛋,兼去東堤試膽law!」
大鄉里的我,係香港活左30幾年,就嚟到不惑之年,先知長洲有唔少非常不俗的行山徑!
而我今次行完的短途路線「長洲小長城」,除左易行兼風景優美,更有大量奇石打卡!
長洲既精髓,原來係郊外山野呀!!!!
++++++++++++++++++++++++++
++++++++++++++++++++++++++
望住個海向右行,到達觀音灣後會見到有條路上山至「觀音古廟」,就係佢啦~
但如果好似我咁食完野先出發,又白痴地行錯路,係可以大熱天時烈日當空下穿過無咩風的民居內街,沿「關公忠義亭」旁的觀音廟路進入的~
未見官先打三十,未正式行已經衣衫盡濕..........
觀音廟旁的分歧路向前行,就正式進入「小長城」路徑了~
呢道會有小長城的路線圖,清楚指示呢條路可以睇到d咩奇岩怪石~
起行啦!
30幾度下+戴住口罩都有少少chur,嚟得行山就預左ga la,上啦!
if真係行到喘氣就抖一抖啦,係高處俯視的觀音灣及東灣好靚呀!!
咁睇東灣+觀音灣又真係幾唔錯~
「下.........個名玩到咁大,原來只係一堆沙田中央公園可見的石柱型欄杆ja???」
又好似mean得滯........ 外國咪又係幾棵樹起間屋就係乜乜小京都、物物小瑞士........
平心而論,識得就角度的話,呢個小長城某d位都影得過的~
行左廿分鐘就要抖!? 有無咁虧ar?????
鬼咩........ 我行果日30幾度,下晝2點幾太陽當頭直射落嚟,仲要戴住口罩,死都蛇啦........
至於觀景亭左旁有條路可以行到落觀景台,但我落左一段樓梯後發現頗有距離
為左唔想一陣又行返咁多樓梯上嚟--------對唔住我淆底!
休息夠,由觀景亭右方樓梯向下行繼續行程~
我非常想知道究竟係邊個盲佬幫d石改名的,根本一d都唔似!!!!!!
仲要有粉腸慌死你唔知,大大隻字噴左係度,乾隆提字都無咁大隻啦!!!!
之不過煞風景還煞風景
然而花坪石原來唔止係遠處影相咁簡單!
實在係非常超勁好的影相位呀!
由細到大來長洲不下數十次,點解會而家先發現d咁正既地方!?
因為要輕度攀石一兩下,亦略有危險性(特別大風的時候),對有行開山既朋友當然係小菜一碟,但的確唔係普通女仔咁易上到去的地方
花坪石旁看過去的風景係不錯~ 但都同之前見既差不多,無需要增加風險呀~
不過要遊繩一段落斜坡,我望到覺得麻煩,無理佢lu~
繼續行小長城~
不過邊行邊吐槽佢有幾唔似都係樂趣嚟ge~
真係......... 究竟「似」果個點係邊呢........ 改名d人咁好想像力ge......
這舊獨懸於崖邊的巨石其實亦頗值得欣賞~
不過同之前一樣,佢比人大大隻字寫左「玉璽」係度
大佬呀,你有無見過有靚女會著住件寫住中文字「靚女」既衫出街呀?
假如姜B紋自己個名係背脊都瞬間變柒頭啦!
塗鴉果個破壞公物都算啦,可唔可以有返d美感ar?????
小長城的行程就到呢度~
只要由玉璽石沿路返十字路口向山上行就可以離開小長城~
南氹灣一般都無咩旅客甚至香港人會到
無他ge,呢個海灣垃圾又多,沙粒又粗,邊及東灣咁舒服~
南氹灣,我無嚟錯!
(識得坐係個最佳位置看海,外國人比我地更識嘆呢~)
行到差不多,係時候走啦~
只要沿天后廟邊的路上返南氹灣路入長洲家樂徑,就可以去返關公忠義祠果邊入市中心~
都係買支啤酒坐係碼頭旁邊,睇住日落慢慢嘆啦~
好啦今次的長洲遊記就係咁多~
不過條路既精髓絕對在於花坪石,無理由唔花時間去行下影下相ga~
長洲應該仲有好多事物,等下次平日放假我再去發掘下先~
梗係平日啦........公眾假期多人過銅鑼灣ar........
===========================
《012 - 上窰郊遊徑+曝罟灣堤圍︱超強打卡+輕鬆行山首選》
===============================