新聞互動
我仲奇怪點解館內咁多小女生,大家咁鍾意孫中山或古巨基咩???
我有睇大叔的愛,但唔代表我咁清楚阿牧Anson教主既行縱ga..........
既然係而家的當紅景點,就快手寫幾隻字,介紹下呢個地方值唔值得去啦~
(唔好意思,講阿牧我只會諗起呢個阿牧)
(我知道好多神徒係度,滿足下大家啦~)
「孫中山紀念館」前身是富商何東胞弟何甘棠的住宅,名為「甘棠第」,建於1914年。樓高4層,屬愛德華時代的古典建築風格,是香港現存少數的建於20世紀初建築物。於2010年11月12日(孫中山誕辰144週年)列為法定古蹟。
以上copy自維基,有興趣的朋友可以自己click入去睇details~
「孫中山紀念館」位於中環衛城道7號
當然各位可以係金鐘坐各條上半山,總之行堅道的巴士小巴線,按此~
如果唔熟的話,建議都係乖乖地扶手梯到堅道再向右(上環方向)行啦,跟我之前寫既「己連拿利」的文章所述的相反方向呢
+++++++++++++++++++++++++++++
https://garcia-in-germany.blogspot.com/2021/01/Glenealy.html
+++++++++++++++++++++++++++++
由正門入去會係B1 floor,經過以前的「妹仔樓梯」(好似係)就會到達一樓大廳
內裝潢以白色嵌金邊為主,一貫百多年前的西方華貴風格
哎呀呢個緊要好多!
(教主MV開始時個畫面就係咁~)
(但不明白點解要企係好多人等緊影相既位打卡)
露台以希臘式巨柱承托,兼具有中式建築風情(好似係),如果唔係天氣太熱,應該係塞滿人睇相的
不過老實講,個格局其實同港大都幾相似,HKU仔應該唔會覺有d咩特別……….
(個陽台都幾有feel~)
(人地係度燙衫,我係度chok樣)
的確係有一種華貴的氣派~
如果無人的話,如果影相功力有返咁上下的話,絕對可以影到好多超有feel的相!
可惜以上兩個條件都唔成立,我用盡我既能力閃避人潮,加上唔識影呢種結構
以下的相片……大家比比面啦……….
裡面介紹的孫中山事蹟Form3中史都學得到,有興趣既一早記得,無興趣既睇嚟都蚊訓
至於老一輩亦一早知道,細過中三既又未睇得明複雜的史事
加上展館內禁止拍照,所以幾乎每個館都無人睇,好合理呀!
(究竟有幾多人會睇呢d書......)
不過都無緊要呀,因為對絕大部份訪客嚟講 -------
「孫中山? 邊個嚟ga? 古巨基我都唔識啦~ 哎也呢度打卡靚呀~ 我要post IG~~~」
雖然我都係嚟影相打卡的,但起碼都會睇下人地個展覽講d乜,好唔好睇另一件事,都叫了解過呀
可惜眼見超多人都係醉翁之意不在酒,在乎打卡之中也
佢地無做錯,但不知為何總有點淡淡的可悲感……..
(呢個一定係古巨基)
無啦,個館係咁多~
同類相似的建築,港大陸佑堂或1881明顯更加吸引
所以,唔係疫情無地方去,唔係偶像效應,呢個孫中山紀念館應該拍緊烏蠅
++++++++++++++++++++++++++++++++++++++++++
地址 : 中環半山衞城道7號
https://hk.drsunyatsen.museum/zh_TW/web/sysm/aboutus/intro.html
====================================
2至3小時行完:
行完會攰:
《012 - 上窰郊遊徑+曝罟灣堤圍︱超強打卡+輕鬆行山首選》
===============================