新聞互動
大美督(舊名大尾篤)有條不太為人所知的「大美督家樂徑」,我都係疫情開始後先隱約聽聞過
起初我以為佢只係一個可以睇到大埔名物大尾篤主壩全景的小山丘而已
誰不知竟係一條可飽覽4大隱世美景,卻只需20分鐘就行得哂,性價比(?)超高的短途合家歡步行路線!
果種靚法,係我每見一處就「嘩!」一處!
閒話少講,睇落大家就知有幾誇張!
文章既要:
咩話? 大美督點去??????
唉我打埋啦..........
(大尾篤本身已經好靚)
(圖中雪糕車果個位)
一開始會上一堆樓梯,比人一種「ee睇嚟條路短得嚟有d料到wor」既感覺!
假像嚟ga ja,唔使5分鐘已經變成平路~
(剛開始都有少少樓梯)
(5分鐘後)
大美督家樂徑有另一小特色~
sorry我懶,影左兩張for reference only~
因為比起這裡既風景,呢d真係小兒科啦~
到山頂了~
下!? 完啦???? 開波10分鐘都未夠! 岩岩買到爆谷就散場???
某d角度仲可以睇埋遠處既馬鞍山tim!
呢排好多人都鍾意將d地方安個「港版+外國地名」落去,聽落好似夢幻d開心d咁
橋咀欣澳就「港版天使之路」,深水埗就「港版布魯克林」,遲d砵蘭街應該係「港版飛田新地」la
我又順下潮流,生安白造個「港版天橋立」比大尾篤水壩 ,睇下又會唔會流傳到出去先~
「係咪調轉睇真係有天橋ga?~」
香港咁多天橋睇唔夠咩........自己去試下啦........
(其實我係臨時即興入大美督的,所以個樣有d頹,髮型有d 7)
(日本天橋立,網上圖片)
由第1景前行數分鐘已可見一休憩涼亭,外面就係船灣淡水湖全景~
係介紹上寫住呢個地方本來叫「六鄉」,船灣淡水湖建成後已不再存在,詳情可以睇維基~ (又係太懶唔想寫)
古語有云: 「八件一齊吊,何其壯觀呢!」
這裡卻是八個山峰一齊見,何其壯觀呢!
(八仙嶺真係有8個峰wor ----- 好廢話呀!!)
感覺就好似由河口湖觀景台遙望富士山一樣震撼! (呢個香港扮日本野既比喻有d過火ar!)
+++++++++++++++++++++++
++++++++++++++++++++++++
未知前路是甚麼的我,已站在梯級上不停係咁影係咁影~
誰不知再行落多少少,仲有一個和第3景一樣全開揚的無敵觀景台!!
不同的是這裡看的,是以鹽田、三門仔為背景,小艇大海作襯,黃金色的超級日落!
有無靚得太交關呀!!!
小弟最近幾篇文章都介紹唔少香港日落~
谷埔鹿頸有蘆葦,鯉魚門有維港,青衣自然徑有青馬大橋,每個都精彩絕倫,但都係當對少人的地方
我終於明白00後青年發現劉德華識唱歌時既感受啦!!!
呢個位的大尾篤日落,絕對係世界級!
++++++++++++++++++++++++
《青衣自然徑︱馬灣海峽+青馬大橋無敵日落美景【香港郊遊10】》
++++++++++++++++++++++++
(既然有睇景凳,當然要老人與海一下啦~)
wei 大尾篤真係好靚ar~~~~~
o下想行哂成條壩???
wei 2公里ga,天黑啦喂~~~~
(究竟星期日大尾篤多人d定旺角多人d.........)
........明明以前好簡單易做既事,疫情之後全部變到遙不可及,連燒烤場都唔入得..........
嗱我係外圍影ja! 無入到去呀!
就係咁~
於是係踩單車BBQ撐艇仔跑大壩之外,又多一個入去大尾篤 加重交通負荷 的理由了~~
於無風的日子,非常非常非常多小飛蟲!
其實去過大尾篤主壩都知,壩上一向勁多小飛飛,呢度應該多一倍!
理論上就唔咬人的,只不過真係好驚的話,可以試下用電蚊拍玩三國無雙........
講笑ja唔好亂咁攪蟲啦!!!
===========================
《1 - 香港Staycation首選,皇家太平洋酒店住後心得》
===============================