二零一五年九州十日新春自駕遊 - Day 7
鹿兒島－指宿
一宿無話，到咗第二朝嘅早餐時間。
基本上 Book 呢間酒店時都無咩特別要求，所以對佢嘅早餐都心中有數。
食完又向下站出發。指宿池田湖
如果湖中水怪唔浮出嚟，真係無咩好睇，爭在未攞枝筆出嚟寫上＂到此一遊＂四個大字。
有啲地方身為中國人真係唔應該去
唔記得邊本旅遊書介紹這裏－知覽特攻和平館
派出一班正當盛年嘅空軍機師，為侵略他國而捐軀，正後連條屍都運唔到返國，靠呢堆石墩紀念，我靠！
忘記用咩途徑接觸這樣一段小故事：一個妻子知道丈夫要出征（唔肯定邊場戰役，總之知道係一去無回。），為免丈夫有顧慮，妻子帶同兩個小學雞都未到嘅兒子投河自盡.....這就是他們引以為榮的典範。我個人認為，值得尊敬嘅；只係佢地嗰份忠君愛國心。
當地人對呢個館真係抱住一個好嚴肅、好尊崇嘅心情參觀、懷念，有少少輕鬆嘅態度表現出嚟，佢地嘅眼神都會表現出責備，這要留意。
嚴肅完畢，去下個景點－知覧武家屋敷群，鹿児島県南九州市知覧町郡6198番地。一個畀武士聚區嘅社區。
條條通道都係咁，好似話係當地政府嘅規劃。
每個武士嘅家都有自已庭園設計，但並非全部開放參觀。
又係時候去酒店開房，我意思係 check in。
指宿住嘅係指宿皇家酒店，鹿兒島縣指宿市12町4232-1 。
酒店起喺海邊，要穿過條鐵路先到，一個唔覺意，就有機會坐喺架私家車入面睇住列火車在面前經過，相信都幾震撼。
酒店大堂望出去就係咁。間酒店有好多房間都係向海，不過全部都係和式瞓塌塌塌米。
安頓好行李就去食流水麵。
唐船峽公園市營流水麵，指宿市䦕聞十町5967。
下一站 JR 日本最南端車站－西大山站
人人到此都會自動自覺敲吓呢個鐘
順便過對面市場買張明信片用呢個郵筒寄番畀屋企
好喇，玩完最南車站，係時候去熱砂浴。先返酒店坐接駁浴場嘅巴士，車程只係幾分鐘。
試完熱砂就返酒店食晚膳。
食完晚餐後就瞓？唔係，酒店仲安排一場鼓舞飛揚 say good
night。
