新聞互動
札幌-旭川-札幌
第三日,終於可以喺香港以外嘅地方揸車,仲係雪地添,既興奮又緊張,雖然都係右呔,但嗰份新鮮感真係好強烈。
租車處位於札幌市中央區北5条東2-1,由酒店行去都係約十分八分鐘,租車同還車都係同一位置。今朝啲雪好厚但係有關部門對於清理馬路積雪非常好,行車好安全。攞車後就向旭川出發,第一個景點就係旭川動物園。旭川市東旭川町倉沼
企鵝巡遊如果想近距離睇真啲隻熊,就要去相片右邊個透明圓頂。古古怪怪嘅動作,佢地每次原地轉身都會做同樣動作。例如佢而家向右,做完呢個動作後;就會成隻熊轉向左。知唔知堆雪上面嗰隻係咩?係貓頭鷹,仲可能係哈利波特嗰隻嘿美添。瞓喺雪上面曬太陽,點頂得佢順。雄鹿與雌鹿大黑熊唔知海獅定海狗認住呢隻差啲睇唔到嘅鷹午餐喺條拉麵村嘅山頭火食天寒地凍食碗熱氣騰騰嘅拉麵,一流。跟住就去札幌啤酒園同食成吉思汗鍋(睌餐)。東區北7条東 9 – 2 – 10成吉思汗鍋-中央區南6条西4丁目
其實係鐵板燒,仲要係試過就算嗰隻(即係無下次)。啤酒園食成吉思汗鍋,梗要盡情豪飲(只要唔好記住我係揸車嚟的話,就會飲到好似成吉思汗咁豪氣)。食完就去札幌的大通公園睇雪祭跟住仲行埋狸小路商店街但係有樣嘢一是要緊記,就係架車停喺邊。行兩行,完全搵唔番停車場喺邊。就算有相都無用,的士司機都唔識喺邊。死未搵咗幾耐先搵番個停車場,幾驚要露宿街頭。